أخبار وطنية

لزهر الضاوي يرثي “نوارة بن قردان” الشهيدة الطفلة “سارة بوقديمة” “نوّارة بنقردان”

لزهر الضاوي يرثي “نوارة بن قردان” الشهيدة الطفلة “سارة بوقديمة” “نوّارة بنقردان” –
(كلمات….. ..الى روح البنت الحرة الشهيدة بنت بنقردان “سارّة بوقديمة “)
**********************************************************
ما تقولي..رُحتي وين..يا “نوّارة”….
وأهلك في “بنقردان”..عليك حيارى..
..ما تكوني جاك الليل..معاه هملتي..؟؟
والليل في “بنقردان”..انتي أنوارَه..!!
ولّا غواك “الموت”..معاه جفلتي..؟؟
وناسك يا طفلة -تعرفي-..”حَزّارة “..؟!
..ودَمع الهَدَب سيّال..بعدك ينزف..
غطّى على “جرجيس” و”العَكّارة”..
وتونس عليك بالدم راهي تبكي ..
وانتي الجمال ..والسحر حُزتي أسراره..!!
ودرنا “السّواتر” عالحدود..باش نحمي..
وما ندري كيف طالوك ها الغدّارة..
ولمّا في نور الصّبح..وردة فتَحتي..
مدّوا اليدين..قطفوك يا “نوّارة”..
وقاومنا أحنا صحيح..ما استسلمنا..
وما عرفنا كيف نحموك وقت الغارة..
..وبَعدك نسيم البحر..ما نسّمنا..
وقام الرّبيع مهموم..لمّ أزهارَه..
..ويا “سارّة نرجوك..ما تخلّينا..
وانتي موسيقى الوطن..وانتي أشعاره..
وطيري مع الأطيار..غنّي لينا..
وخوذي سمانا..ديري فيه ” إمارة “..!!!!
+++++++++++++++++++++
( قفصة 16/03/08)

هذه التعاليق لا تعبر عن توجهات الموقع و إنما تعبر عن رأي صاحبها

Click to comment

Leave a Reply

Votre adresse de messagerie ne sera pas publiée. Les champs obligatoires sont indiqués avec *

 

الأكثر تداولا

To Top

Powered by themekiller.com anime4online.com animextoon.com apk4phone.com tengag.com moviekillers.com