أخبار وطنية

شهادة طبيب شاب …منغرس في تربة بلده .. ملتزم بهمومه و آلامه

مازلت كيف خرجت من استعجالي مستشفى القصرين ، مازلنا كيف قمنا باسعاف و نجدة اخر جريح من الكارثة في هذا اليوم الكارثي، الطقس جنائزي باتم معنى الكلمة ، مطر في شهيلي في طقس رمادي وسط عملية ارهابية ابان حادث ، كيف كنت في استعجالي سهلول حضرت على كوارث اما الي ريتو اليوم عمري لا ريتو و لا تخيلتو، حادث جنائزي مروع باتم معنى الكلمة مخلط بالارهاب . كميون يضرب كار يضرب كراهب يجي في وسط سوق ، النتيجة تقريبا 20 قتيل ،و حالات حرجة في الانعاش و بن عروس و تقريبا 85 جريحا. مشافي صفاقس والعاصمة و الساحل مشكورة ابدت تعاونها الكامل و اللامشروط و تجهزت تستقبل في الحالات الاعظم.
جثث محترقة من الدرجة الرابعة Brûlures du quatrième degré ou « carbonisation » انا عمري لا ريتها كان في كتب الطب اصابة ناتجة عن blast متاع قنبلة . اجة ما قريتها كان في الكتب kif-kif تشوفها كان في طب الحروب. الموتى لكلهم من نفس العروش عباد بسيطة من طبقة اجتماعية بسيطة يحملون تقريبا نفس الالقاب .. مصابهم واحد
حاجه وحدة في الكوارث الي حضرتلها قبل الوزير الاول بيدو كان حاضر و وزير الصحة جا يطمن . اليوم ماريت حد يمثل الدولة ( اللهم وقتها غافل و جوا و ما ريتهمش ) .
ناس عظيمة في صبرهم على الموت .
هذا اليوم من اصعب الايام في حياتي في القصرين ،

ماعاد عندي ما نزيد الله يرحمهم

هذه التعاليق لا تعبر عن توجهات الموقع و إنما تعبر عن رأي صاحبها

Click to comment

Leave a Reply

Votre adresse de messagerie ne sera pas publiée. Les champs obligatoires sont indiqués avec *

 

الأكثر تداولا

To Top

Powered by themekiller.com anime4online.com animextoon.com apk4phone.com tengag.com moviekillers.com