أخبار وطنية

سيدي بوزيد: اجهزة طبية مهملة لسنوات بقيمة الملايين تنتظر من يعمل عليها

كل يوم خرافة:
خرافة اليوم على ال MAMMOGRAPHE متاع المستشفى الجهوي بسبدي بوزيد.
هذا جهاز متطور نكتشف بيه اورام الثدي في اول مراحل ظهورها.
جانا من 2012 و بقا في الكرادن 3 سنوات .. لعدم وجود فضاء يركب فيه.
المدير الحالي خاف عليه يسوس ولا يكسروه في هوجة من هوجات المواطنين المنفلتين اجتهد و كسر حيوط و طلع حيوط و عمللو فضاء داخل قسم الاشعة من جوان 2015.
و توفا الحكاية.
ما خدمش حتى نهار!!!
البعض يقول خاطر ما عندناش كان طبيب اشعة واحد وين يقطّع روحو .. بين السكانار و الايكو و الايكو دوبلار.. الزوز الصينيين كبيهم كبلاش.
و الطبيب المختص في الاشعة يقول خاطر ناقص قطعة alternateur ou onduleur .. عام راكب و القطعة ما خلطتش!!!
و انا نقول مادام ثمة زوز من نفس الجهاز بالفلوس عند الطبة الخواص خلي الزوالي يطلع الفلوس المدفونة و ولا يعجلو باش داوا.
على فكرة مستشفى الرقاب فيها نفس الجهاز و كيف كيف مايخدمش.
يا شعب يا مغبون اعلف القرط و ارقد.
د. عارف عزيزي

هذه التعاليق لا تعبر عن توجهات الموقع و إنما تعبر عن رأي صاحبها

Click to comment

Leave a Reply

Votre adresse de messagerie ne sera pas publiée. Les champs obligatoires sont indiqués avec *

 

الأكثر تداولا

To Top

Powered by themekiller.com anime4online.com animextoon.com apk4phone.com tengag.com moviekillers.com