أخبار وطنية

حول انقلاب تركيا: حزب العمال في تونس يصدر بيان ” في حالة سكر”

كتب عبد اللطيف العلوي في تدوينة على فايسبوك ما يلي:

هيّا سيدي مرحبا بيكم …
اليوم أوّل مرة تحمّلت النجاسة متع حمّه على خاطركم ، ودخلت إلى زريبته الاليكترونيّة ، لأستخرج النسخة الأصلية لهذا البيان الموضوع أمامكم …
تقولّي سيدي وشنوّة لزّك ؟ هاو موجود البيان ويسيركيلي من الصباح على الفايسبوك ؟؟ ..نقلك صحيح ..آما والله شكّيت في أنّو يكون وقع التلاعب به و تغييره عن طريق الفوتوشوب … لأنّ ما وجدته في هذا البيان لا يمكن أن يتخيله عقل كلب أجرب نايف سائب في شعاب الأرض ، فما بالك بعقل بشر …
يعني سي حمه اللي يتابع في الوضع عن كثب ( كيما البيت الأبيض بالضبط ) قالكم كلف ” شعوب تركيا ” … يا عباد ربي شعوب تركيا ؟؟ … يا حجر يا بقر يا بغال العالم اتّحدي .. قالكم شعوب تركيا …
يعني السيد هذا هو أصلا تركيا يرى فيها مجموعة دول موش دولة واحدة ، وممكن ياسر يرى أنّ أردوغان رئيس اسطمبول وأنقرة آكاهو ، وهذاكه علاش قالّك ” كتائب من الجيش حاولت وضع اليد على مؤسسات هامة في اسطمبول وأنقرة ” …
هذا قداش يلزموا سوايع زايدة باش يفهم اللي راهي الدولة تفترض وحدة الشعب والاقليم والسلطة ، خلينا من القانون الدستوري ..صعيب عليه …
نكملوا البيان …
ما قاله بعد ذلك ، لم يقله حتى قادة الانقلاب أنفسهم ، وكان جاو يعرفوا يحطوه ناطق رسمي باسمهم ، الراجل قالك : ” نظام اردوغان الرجعي الدموي ذي النزعات التوسعية ” …
يا سي قاطع الطريق : آنا دولة من دول الجوار ريتو اعتدى عليها ؟ ودموي زعمة كي السيسي اللي ساندتو وإلاّ أقل شويّة ؟؟ ورجعي زعمه كي جماعة الامارات اللي شيخوك وإلاّ أقلّ شوية ؟؟
والباقي عاد هانا ما نساش باش يدعو ” القوى التقدمية والثورية ” اللي كيفو باش تواصل النضال ضد ها الأردوغان الدموي الرجعي التوسعي الامبريالي السلجوقي الملصوقي …
وما تنساوش …
راهو هذا اسمو بيان تنديد بالانقلاب ؟؟؟ تمشوش تنسوا ؟؟
الحاصيلو …
تَعمِلْ النِّمَّالَهْ في عْرُمْ القمْحْ
ــــــــــــ
عبد اللطيف علوي

7

هذه التعاليق لا تعبر عن توجهات الموقع و إنما تعبر عن رأي صاحبها

Click to comment

Leave a Reply

Votre adresse de messagerie ne sera pas publiée. Les champs obligatoires sont indiqués avec *

 

الأكثر تداولا

To Top

Powered by themekiller.com anime4online.com animextoon.com apk4phone.com tengag.com moviekillers.com