أخبار وطنية

تنازلات النهضة و توافقاتها لم تُفشل اى سيناريو انقلابي فى تونس بل مهندسو الانقلاب عجزوا عن تنفيذ مخططاتهم

الشارع الكل كان نهضاوي بداية التسعينات، لكن وقت دارت عليها ماكينة القمع، النهضة لقات روحها وحدها، هذا شعب ما يتعملش عليه، هذاكا علاش حسب المبررين يلزمها تمشي في الخط مع السراق و تشارك في القمع و التعذيب و تعمل كل ما كانت تناضل ضده في عهد بن علي.
سيدي، غالط و موش صحيح، شد عندك :
التلاثين ألف الي تعذبوا ماهمش الكلهم نهضاوية، أغلبهم من بسطاء العامة
الشارع ماكانش الكله نهضاوي، كان الكله فادد من حكم بورقيبة و الحالة الي وصلتلها البلاد
النهضة ما كانتش معملة على الشارع و هو جبد بيها، النهضة كانت معملة على إنقلاب (المجموعة الأمنية)
النهضة هي أول من باركت حكم بن علي، و كان موقفها منه و مشاركتها في إنتخاباته و إمضائها لميثاقه الوطني، هو دعوة للشارع باش يهفت و يركح و يتبع بن علي
الي تنكر للنهضة هوما بعض قياداتها، هام تعاركو على شكون الشيخ، هام بعد باب سويقة تنكرلها الشيخ فلان و الشيخ فلتان
لم تدعوا النهضة للخروج للشارع وقت القمع و جبدت بيها الناس، لم يحصل هذا.
بالعكس، سذاجة النهضة (حكاية التلاثين إمضاء مثلا الي تهردت فيها آلاف) و ثقتها في بن علي و نقص خبرتها و عدم قدرتها على طرح مجتمعي واضح (مازال في الأرشيف بعض مداخلات المترشحين من حركة النهضة لإنتخابات 89 راهو..) هوما الي جبدوا بالشارع وقت كان التغيير ممكن.
فلا تبرروا بالمغالطة،
هل الشارع الي خرج و الكرطوش يخيط، و 300 ألف الي خرجوا للقصبة ما يتعملش عليهم.. أم الي يصححوا لسرقة الشعب و يشاركون في التعذيب؟
شبيه الشارع ساكت.. مزال حاشم منكم شوية، ايه م النهضة، الناس الي ما تخافش م الكرطوش و ما عندها ما تخسر عندها تعاطف معاكم، للي صارلكم مع قرب هووي، ثم هي تعبت : تهبط للشارع فتفشل النخب السياسية لتحويل هيجان الشارع لنقاط ملموسة.
لكن الحشمة بدات تتنحى، و ما خليتوش للصلح مكان!
عاجبك مصر و ليبيا و سوريا؟ هذاكا إش تحب؟
كفاكم سفسطة!
سيناريو سوريا و ليبيا يتطلب زوز فرق قادرة على الحرب، جماعة النمط بش يضربوا بالحجر؟
سيناريو مصر حاولوه، و آخر محاولة كانت للجريبي و جمعة، و فشلوا، كان جاو ينجموا يعملوه راهو عملوه، بالك تسخايب ما صارش خاطر توافقتو و قبلتو و عملتوا.. كان مصدقين هذا مشكلة! السيناريو ما صارش، فقط لأنهم ما قدروش.
فرجاءا، ما خيرش م الرجولية و إيجاو م الإخر، لوغة الشارع جبد بينا، و سيناريو مصر، و الشارع ساكت.. أحكيوها للغافلين..

نشر على شبكة الفايسبوك

هذه التعاليق لا تعبر عن توجهات الموقع و إنما تعبر عن رأي صاحبها

Click to comment

Leave a Reply

Votre adresse de messagerie ne sera pas publiée. Les champs obligatoires sont indiqués avec *

 

Most Popular

To Top

Powered by themekiller.com anime4online.com animextoon.com apk4phone.com tengag.com moviekillers.com